အမာမြို့၌ ငါးသယံဇာတထိန်းသိမ်းရေး ကွင်းဆင်းစစ်ဆေး
ဧရာဝတီတိုင်းဒေသကြီး၊ ဖျာပုံခရိုင်ငါးလုပ်ငန်းဉီးစီးဌာနမှ ဖျာပုံခရိုင်၊ အမာမြို့နယ်အတွင်း ငါးသယံဇာတများ ရေရှည်တည်တံစေရေးအတွက် နိုဝင်ဘာ ၉ ရက်နေ့က နောက်မီးကျေးရွာသို့ ကွင်းဆင်းစစ်ဆေးခဲ့သည်။
ကွင်းဆင်းစစ်ဆေးရာတွင် ဖျာပုံခရိုင်ငါးလုပ်ငန်းဦးစီးမှူး ဉီးမျိုးလွင်နှင့် အမာမြို့ငါးလုပ် ငန်းဦးစီးဌာနမှူး ဦးသန်းဦးတို့မှ အင်္ဂလန်ကျားပိုက်ငါးဖမ်းလုပ်ငန်းလုပ်ကိုင်သော နောက်မီး ကျေးရွာမှ ရေလုပ်ငန်းရှင်များနှင့်တွေ့ဆုံ၍ သတ်မှတ်ခွင့်ပြုထားသည့် ငါးဖမ်းကိရိယာများဖြင့် ငါးဖမ်းဆီး လုပ်ကိုင်နိုင်ရေး၊ တရားမဝင်ကျားဖောင်များမရှိစေရေး၊ လိုင်စင်မဲ့ ငါးဖမ်းရေယာဉ်များ မရှိစေရေး၊ ဥပဒေနှင့်အညီလုပ်ကိုင်နိုင်ရေးတို့အတွက် ကွင်းဆင်းဟောပြော ဆောင်ရွက်ခဲ့သည်။ ရေလုပ်ငန်း ရှင်များမှ သိရှိလိုသည်များ မေးမြန်းဆွေးနွေးမှုအပေါ် ခရိုင်ငါးလုပ်ငန်းဦးစီးမှူးမှ ပြန်လည် ဖြေရှင်းဆောင်ရွက်ပေးသည်။ အလားတူ အမာမြို့နယ်အတွင်းရှိ ချောင်းဝကျေးရွာ၊ ဓမင်းဆိပ်နှင့် ခါးပြတ်ကျေးရွာများသို့လည်း နိုဝင်ဘာ ၇ ရက်နှင့် ၈ ရက်နေ့များတွင်လည်း ကွင်းဆင်းစစ်ဆေးခဲ့ပြီး ငါးသယံဇာတထိန်းသိမ်းလုပ်ငန်းများ ဟောပြောဆွေးနွေးခဲ့ကြောင်း သိရသည်။