တွံတေးတူးမြောင်းအတွင်း ငါးသားပေါက်ကောင်ရေ ဆယ်သိန်း မျိုးစိုက်ထည့်
ရန်ကုန်တိုင်းဒေသကြီးငါးလုပ်ငန်းဦးစီးဌာနမှကြီးမှူး၍ သဘာဝမြစ် ချောင်း အင်းအိုင် ဆည် တမံ ကန်များအတွင်း ငါးသယံဇာတများ ရေရှည်စဉ်ဆက်မပြတ်တိုးပွားလာစေရေးနှင့် ကျေးလက်နေပြည်သူများ ငါးရိက္ခာကို ပိုမိုဖမ်းယူစားသုံးနိုင်ရေးတို့အတွက် (8.8.2021)ရက်နေ့က ရန်ကုန်းတိုင်းဒေသကြီး၊ တွံတေးမြို့နယ်၊ တွံတေးတူးမြောင်းအတွင်းသို့ လေးထောင့်ကန်ငါးလုပ်ငန်းစခန်းမှ ၂ လက်မအရွယ် ငါးခုံးမကြီးငါးသားပေါက်ကောင်ရေ(၅)သိန်း နှင့် လှော်ကားငါးလုပ်ငန်းစခန်းမှ ၂ လက်မအရွယ် ငါးမြစ်ချင်းငါးသားပေါက်ကောင်ရေ(၅)သိန်း စုစုပေါင်းငါးသားပေါက်ကောင်ရေ (၁၀)သိန်းအား မျိုးစိုက်ထည့်ခဲ့သည်။
အဆိုပါ ငါးမျိုးစိုက်ထည့်ခြင်းအခမ်းအနားသို့ တွံတေးမြို့နယ်ငါးလုပ်ငန်းဦးစီးဌာနမှူး ဦးတင်မောင်ထွဠ်၊ လှော်ကားငါးလုပ်ငန်းစခန်းတာ၀န်ခံ ဦးရဲထွန်းနိုင်၊ လေးထောင့်ကန် ငါးလုပ် ငန်းစခန်းတာဝန်ခံ ဒေါ်သင်းသင်းခိုင်နှင့်၀န်ထမ်းများ တက်ရောက်ခဲ့ပြီး တွံတေးတူးမြောင်း အတွင်းသို့ ငါးမျိုးများ စိုက်ထည့်ပေးခဲ့ကြောင်းသိရသည်။