ပျဉ်းမနား ပေါင်းလောင်းရေလွဲဆည်အတွင်း ငါးမျိုးစိုက်ထည့်
နေပြည်တော်တိုင်းငါးလုပ်ငန်းဦးစီးဌာနမှ နေပြည်တော်ကောင်စီနယ်မြေအတွင်း ကျေးလက်နေပြည်သူများ ငါးရိက္ခာများပိုမိုဖမ်းယူစားသုံးနိုင်ရေးနှင့် ငါးလုပ်ငန်းဖြင့် အသက် မွေးဝမ်းကျောင်းသည့် မိသားစုများ တစ်ပိုင်တစ်နိုင်ဝင်ငွေတိုးတက်လာစေရေးအတွက် သဘာဝ၊ မြစ်၊ ချောင်း၊ ဆည်၊ တာတမံ ကန်များအတွင်း ငါးမျိုးများစိုက်ထည့်လျက်ရှိသည်။
နေပြည်တော်တိုင်းငါးလုပ်ငန်းဦးစီးဌာနမှ (၈.၇.၂၀၂၁)ရက်နေ့၊ နံနက်ပိုင်းက နေပြည်တော်နယ်မြေ၊ ပျဉ်းမနားမြို့နယ်ပေါင်းလောင်းရေလွဲဆည်အတွင်း ရေဆင်းငါးလုပ်ငန်းစခန်းမှ (၂)လက်မအရွယ် ငါးမြစ်ချင်းငါးသားပေါက်ကောင်ရေ (၈၀၀၀၀)အား မျိုးစိုက်ထည့်ခြင်း အခမ်းအနားကိုကျင်းပခဲ့သည်။
အဆိုပါအခမ်းအနားသို့ နေပြည်တော်တိုင်းငါးလုပ်ငန်း ဦးစီးဌာနမှူး ဒေါ်ညိုညိုအေး၊ ပျဉ်မနားမြို့နယ် စီမံအုပ်ချုပ်ရေးအဖွဲ့ဝင်(၁) ဗိုလ်မှူးဝေဖြိုးနိုင်၊ မြို့နယ်စီမံအုပ်ချုပ်ရေး အတွင်းရေးမှူး ရဲမှူး ဦးသိန်းဝင်းထွန်း၊ ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန မြို့နယ်ဦးစီးမှူး ဦးမြင့်ဇော်နှင့် ငါးမျိုးစိုက်ထည့်ခြင်းကြီးကြပ်ကွပ်ကွဲရေး ကော်မတီဝင်များ၊ ခရိုင်/မြို့နယ် ငါးလုပ်ငန်းဦးစီးမှူးများ၊ ရေဆင်းငါးလုပ်ငန်းစခန်းတာဝန်ခံနှင့် ဝန်ထမ်းများ၊ ကျေးရွာမြစိမ်းရောင်(ငါးကဏ္ဍ) ကော်မတီအဖွဲ့ဝင်များ တက်ရောက်ခဲ့ပြီး ငါးမျိုးစိုက်ထည့် ပေးခဲ့ကြောင်း သိရသည်။