တွံတေးငါးလုပ်ငန်းစခန်း၌ အယ်လ်နီညို ရာသီဥတုကြောင့် ငါးလုပ်ငန်းကဏ္ဍအပေါ်သက်ရောက်နိုင်မှုများ ကြိုတင်ကာကွယ်ရေးအသိပညာပေး
တွံတေး အောက်တိုဘာ ၂၃
ရန်ကုန်တိုင်းဒေသကြီးငါးလုပ်ငန်းဦးစီးဌာနမှကြီးမှူး၍ တွံတေးမြို့၊ တွံတေးငါးလုပ်ငန်း စခန်း၌ အယ်လ်နီညို ရာသီဥတုပြောင်းလဲမှုဖြစ်စဥ်နှင့် ပတ်သက်၍ ငါးလုပ်ငန်းကဏ္ဍအပေါ် သက် ရောက်နိုင်မှုများနှင့် ကြိုတင်ကာကွယ်ရေးအသိပညာပေးဟောပြောပွဲအား ယနေ့ နံနက် ၉ နာရီက အဆိုပါစခန်း သင်တန်းခန်းမ၌ အသိပညာပေးဟောပြောပွဲပြုလုပ်သည်။
အဆိုပါဟောပြောပွဲတွင် ဒုတိယတိုင်းဒေသကြီးဦးစီးမှူး ဦးတင့်လွင်က အသိပညာပေး ဟောပြောရခြင်းရည်ရွယ်ချက်နှင့်ပတ်သက်၍ပြောကြားသည်၊ ထို့နောက် တွံတေးငါးလုပ်ငန်းစခန်း တာဝန်ခံ ဒေါ်မိမိခိုင်က အယ်လ်နီညိုရာသီဥတုဖြစ်ပွားရခြင်းနှင့် ဖြစ်ပေါ်မှုကြောင့် ငါးမွေးမြုရေး ကဏ္ဍအပေါ် သက်ရောက်နိုင်မှုများအား ကြိုတင်ကာကွယ်နိုင်ရန် အချက်များ၊ ဖြစ်ပွားနေချိန်တွင် ဆောင်ရွက်ရမည့်လုပ်ငန်းများ၊ ဖြစ်ပွားပြီးချိန်တွင် ပြန်လည်ထူထောင်ရေး လုပ်ဆောင်ရမည့် အချက်များ၊ ရေကြီးနစ်မြုပ်မှုနှင့် အပူချိန်ပြင်းထန်လွန်ကဲမှုဒဏ်မှ ကြိုတင်ကာကွယ်နိုင်ရေး ဆောင် ရွက်ရမည့်လုပ်ငန်းများကို အသိပညာပေး ရှင်းလင်းဟောပြောသည်။
ဟောပြောပွဲသို့ တွံတေးမြို့နယ်အတွင်းရှိ ငါးမွေးမြူရေးလုပ်ငန်းလုပ်ကိုင်သူများနှင့် ရေလုပ်သားများ စုစုပေါင်းအင်အား ၃၅ ဦးတက်ရောက်ခဲ့ကြောင်း သိရသည်။