မအူပင်မြို့နယ် ပန်းတောရေထိန်းတံခါးအတွင်းသို့ ငါးမျိုးများစိုက်ထည့်
ဧရာဝတီတိုင်းဒေသကြီးအတွင်း ရေရှည်စဉ်ဆက်မပြတ် ငါးသယံဇာတများ ဖွံဖြိုးတိုးတက် စေရေး၊ လူတစ်ဦးချင်းငါးစားသုံးမှုတိုးတက်စေရေးနှင့် ကျေးလက်နေပြည်သူများ အလုပ်အကိုင် အခွင့်အလမ်းများ ဖွံဖြိုးတိုးတက်စေရန်ရည်ရွယ်၍ ပန်းတော ရေထိန်းတံခါး အတွင်းသို့ ငါးမျိုးစိုက်ထည့်ခြင်း အခမ်းအနားကို (21.8.2021)ရက်နေ့တွင် ကျင်းပပြုလုပ်ခဲ့ပါသည်။
အဆိုပါ အခမ်းအနားသို့ ဧရာဝတီတိုင်းဒေသကြီး မအူပင်ခရိုင်ငါးလုပ်ငန်းဦးစီးဌာန ခရိုင် ဦးစီးမှူး ဦးဆန်းဝင်း၊ မြို့နယ် စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များ၊ ခရိုင် မြို့နယ်ငါးမျိုးစိုက် ထည့်ခြင်းကြီးကြပ်ကွပ်ကဲရေးကော်မတီအဖွဲ့ဝင်များ၊ ခရိုင်/မြို့နယ်ဌာနဆိုင်ရာများ၊ ရေလုပ်သား များ၊ ဒေသခံပြည်သူများ တက်ရောက်ကြပြီး တလုပ်လှငါးလုပ်ငန်းစခန်းမှ (၂) လက်မအရွယ် ငါးမြစ်ချင်းနှင့် ငါးခုံးမကြီးသားပေါက်ကောင်ရေ ၅၅၀၀၀၀ အား ပန်းတော ရေထိန်း တံခါးအတွင်းသို့ ငါးမျိုးစိုက်ထည့်ပေးခဲ့ကြောင်း သိရသည်။